வறியோர் அற்ற தேசம் வேண்டும் - அதற்கு
இலவசம் நிறுத்தி வேலை வேண்டும் !
கலைகளெலாம் கற்க வேண்டும் - அதற்கு
கல்வி மட்டும் இலவசமாய் வேண்டும் !
நேர்செல்ல நெறி வேண்டும் - அதற்கு
கறைபடியா பாதை வேண்டும் !
பன்மொழி பயில வேண்டும் - அதற்கு
தாய்மொழி முதலில் தெரிய வேண்டும் !
எழுதலாம் என்று எண்ணி மறந்த கவிதை!
எழுதலாம் என்று எண்ணி எழுதுகையில் கிடைத்தது! பிள்ளை போட்ட கோலமென
இணையாமல் நிற்கிறது!
மனிதனின் மாசுப்புரட்சியில்
கடை வரிசையில் நிற்பது மலையே!
தேவையில்லா குப்பையின்
கிடங்காய் மாரிப்போன - கடல்!
மாற்று விதை
அதற்கு மருந்தென மறுத்துப்போன - மண்!
மண்டியிட மறுத்தாலும் மனிதனால்
மறக்கபட்டது மலை மட்டுமே!
மண்ணில் உயர்ந்தது மலையானாலும்
மனிதன் போல் தான் தோன்றித்தனமாய்
தலை கனம் கொள்வதில்லை!
ஆதலால் என்றும் மலை - உயர்ந்ததே!!
கூடுவிட்டு கூடுபாய முடிந்தால்
உன்னில் இருந்து - நான்
என்னை பார்க்கவேண்டும்
நீ சொல்வதை போல் உண்மையில்
நான் அழகா என்று!
உண்ணுவதாய் கனவு கண்டால்
வயிறு நிறையுமோ!
மலைமேல் ஏரிக்கொண்டால்
வானத்தை தொட்டதாகுமோ!
பிள்ளை நடையால்
பேரிடிதான் இடிக்குமோ!
கட்டை வண்டி ஏறினால்
காலம்தான் பின்னுக்கு போகுமோ!
