வெளியூர் செல்லும் பிள்ளைகள்
கண்மறைந்ததும்
கல்மரம் ஆகிறார் தந்தை
வீட்டை சேர்ந்ததும்
மனைவியின் முதல் வார்த்தை
வீடே வெறிச்சோடி கெடக்குது
அஞ்சல் பெட்டிக்கு
அன்புடன் என்றாவது
எழுத வேண்டும்
ரயில் பெட்டிக்கு
பயணம் ஏறினாலே போதும்
ஒரே நேரத்தில்
எத்தனை ஆயிரம் அன்பை
கடத்தி செல்கிறது ரயில் பெட்டி
திருச்சியா இல்ல திருச்செந்துரா
எந்த ரெயில் - என்பதில் தொடங்கி
ஆடா, கோழியா மதியத்துக்கு - என
எல்லா கேள்விகளும்
வெறிச்சோடிய வீட்டில்
விசிறியடிக்கிறது
அன்பை ❤️
கருத்துகள் இல்லை:
கருத்துரையிடுக